SANDALING NAG-ALANGAN si Aiyana bago niya binuksan ang passenger seat ng sasakyan ni Aiden. Hindi niya sigurado kung ano ang magiging reaksiyon nang matanggap niya ang text mula sa lalaki na nagsasabing nasa ibaba ito ng building kung saan siya nagtatrabaho. Nasa top floor ang nililinis nilang unit. Tatlong cleaners ang kailangan dahil half day lang ang ibinibigay sa kanilang panahon para sa general cleaning. Masyadong malawak ang unit para sa isang tao lang. Masyado ring maselan ang kliyente na iyon. Nasa taas din si Emily na siyang tanging tao na pinapayagang maglinis at mag-organize ng book and comic collection ng kliyente.
Si Emily ang nagtulak sa kanya na bumaba. Ang partner na ang bahala sa lahat. Halos patapos naman na sila roon.
“Hi,” ang masiglang bati ni Aiden sa kanya nang mak
