SI MAE ANG huling tao na inasahan ni Aiyana na makakasalubong niya sa lugar na iyon. Labis ding nagulat ang babae. Kaagad na bumalatay ang rekognasyon sa mga mata nito pagkakita sa kanya. Nabura ang ngiti sa mga labi nito. Medyo nanalim din ang mga matang nakatingin sa kanya.
Nabura na rin ang ngiting nakakabit sa mga labi ni Aiyana. Maraming panahon na ang lumipas pero nabatid niya na hindi pa rin nagbabago ang epekto sa kanya ng nakatatandang kapatid ni Aiden. Intimidated pa rin siya. Hindi pa rin siya komportable at parang naroon pa rin ang masidhing kagustuhan na magustuhan siya nito kahit na halatang-halata naman na hindi pa rin siya isa sa mga paborito nitong tao sa mundo.
“Ano ang ginagawa mo rito?” Medyo marahas ang naging pagtatanong ni Mae.
Tumikhim si Aiyana. “Uhm…” Halos wa
