ABALA SA PAPERWORK nang araw na iyon si Aiyana. Medyo kinababagutan niya ang ganoon pero parte iyon ng kanyang trabaho. Halos si Emily ang bumabalikat sa mga business matters pero madalas nitong igiit sa kanya na kailangan pa rin niyang i-check ang lahat. Inaprubahan niya ang schedule at rotation para sa susunod na linggo. Binabasa niya ang ilang request mula sa ilang kliyente nang tumunog ang kanyang cell phone.
Isang unknown number ang tumatawag. Kaagad niya iyong sinagot sa pag-aakala na baka may kinalaman sa trabaho ang tawag.
“Aiyana.”
Nabura ang magandang ngiti sa mga labi ni Aiyana nang makilala niya ang tinig sa kabilang linya. Hindi niya mapaniwalaan na pamilyar na pamilyar pa rin sa kanya ang tinig ni Aiden sa telepono. Tumikhim siya at pilit na kinalma ang sarili. Para kasing
