“SIGURADO KA BA na hindi mo gustong tanggapin siya bilang kliyente?”
Hindi nilingon ni Aiyana si Emily at patuloy niyang inabala ang sarili sa mga bagong dating na disinfectant. Kailangan niyang pag-aralan at subukan ang mga iyon. May mga kliyente silang walang pakialam sa anumang brand ng antiseptic na gagamitin nila pero mayroon din naman na masyadong maselan at particular. Kailangan ay kid-friendly o baby friendly ang gagamiting panlinis sa mga surface. Kailangan ay hindi gaanong makakaapekto sa ozone layer. Sanay na siya na napakaraming preference ng mga kliyente nila. Sanay na rin siyang pinagbibigyan ang gusto ng mga ito.
Pagkatapos niya sa disinfectant ay mga air spray and deodorizer naman ang kanyang pagkakaabalahan. Maraming kliyente rin na ang napakapartikular sa amoy.
Pilit n
