Chapter 48-Ruined
[Hunter James Acosta] "Wala kang panlasa? Paano naman nangyari 'yon?" nakangiting tanong ni Farrah kay Orion. Alam kong napikon siya sa sinabi ng huli pero itinago niya lang sa pamamagitan ng pagkuyom ng mga kamao. "Hindi ko alam, eh. Sorry, ha? Matabang talaga panlasa ko." Dahan-dahan na tinulak ni Orion palayo sa kaniya ang tasa na may laman na sopas. "Iba na lang ang kakainin ko." Napatingin lang si Farrah sa tasa sabay tingin ulit kay Orion, nakangiti. "Ayos lang. Naiintindihan ko. Anong gusto mong kainin? Sabihin mo lang at ipagluluto kita—" "Gusto kong si Hunter na lang ang magluto para sa akin," sagot ni Orion sabay tingin sa akin. Nakangiti siya pero iba ang sinasabi ng mga mata niya. "Gusto ko ng Adobo, Hunter. Pwede mo ba akong ipagluto?" Napakurap ako sabay tingin kay Farr
- Writer
