Chapter 40-Another Twist
[Hunter James Acosta] Nanlalabo man ang paningin ay naaninag ko pa rin si Orion habang nakatalikod at naglalakad papunta sa nakakasilaw na liwanag. Gusto ko siyang pigilan pero wala akong boses para sumigaw. Kahit anong gawin kong pagbuka ng bibig ko ay walang lumalabas na boses mula roon. H-Hindi! Bakit siya aalis?! Bakit niya ako iiwan?! Hindi pwede! Sinubukan kong habulin siya pero hindi pa man ako tuluyang nakakalapit ay naglaho na siya na parang bula. "Orion!" Napabangon ako bigla mula sa pagkakahiga. Namumuo ang mga butil ng pawis sa noo ko at wala akong ibang nagawa kundi maghabol ng hininga. Panaginip lang pala. Akala ko ay totoo. Napatingin ako sa suot kong itim na long-sleeved polo. Sa pagkakaalala ko ay ito ang suot ko nang ilibing si Mama kaninang umaga. Nakatulog lang
- Writer
