CHAPTER 49
“ANO ba, Kaijin! Ikaw, engot-engot ka talaga minsan!”
“Ikaw ang engot kaya dito ka lang. Huwag kang susunod sa ‘kin.” Iritableng hinila ko ang tshirt nito mula sa likuran nang akmang lalabas na naman siya ng kotse na ito ni Tito Euan.
“Bitiwan mo nga ‘ko!” Iritableng lingon niya sa ‘kin.Hindi ko siya sinunod at sa halip ay buong energy kong hinila pabalik ng upo dito sa backseat at isinara ang pinto ng kotse.
“Ang bilin sa ‘tin ni Tito Euan ay dito lang sa loob ng kotse! Ano bang mahirap intindihin do’n ha! Bobo ka ba sa Tagalog para hindi iyon maunawaan?!” Sermon ko sa kaniya!
“Kailangan niya tayo ro’n, may kailangan akong sabihin sa kaniya... may nakalimutan akong sabihin! Kapag hindi niya ‘to narinig, hindi niya mahuhuli ‘yung bad guy!”
“Police si Tito Euan! May gun
