CHAPTER 46
SAPO pa rin ang ulo dulot ng matinding hilo na naupo ako sa harap ng hapag. Umiikot pa rin ang paligid kahit na late morning na ako nagising at nakailang yakap sa toilet at tawag na ako ng uwak kakasuka.
Ang tindi ng hangover ko, naparami yata ng inom kagabi.
“Luto mo ‘to?” Medyo paos ang boses na tanong ko kay Kaijin nang maglapag siya ng Tinolang Manok sa harapan ko.
Ilang segundo siyang napaisip saka tumango. “May iba pa ba tayong kasama rito para paglutuin ko? Ako lang naman ang nandito.”
Inirapan ko siya at napanguso. “Pinalitan mo rin ang damit ko?” Dagdag ko pa. Iba na kasi ang suot ko ngayong malaking shirt kaysa sa suot ko kagabi, mukhang shirt niya na ‘to dahil halos maamoy ko pa ang pabango niya rito.
“Yep, sinukahan mo ang damit mo at damit ko kagabi kaya pi
