CHAPTER 47
BINUGAHAN ko ng mainit na hangin ang aking mga kamay nang makitang pumaparada na ngayon ang magarang sasakyan ni Kaijin sa harap ng malaking mansyon ng mga Valencia. Sobrang ganda ng dekorasyon sa paligid lalo na’t sa malaking garden nila ginanap ang kasiyahan.
Wala akong masabi dahil kahit nasa bandang malaking garahe pa lang kami ng kanilang bakuran ay kita na agad ang maliwanag na garden ng lugar kung saan well-decorated ng mga kurtinang kulay silver, white at elegant purple ang paligid kasama na roon ang mga maliliit na lightings na nakasabit sa bawat gilid maging ang iba’t-ibang bulaklak na pumupuno sa bawat malawak na espasyo ng lugar.
Nagsusumigaw sa yaman ang bawat detalye ng dekorasyon maging ng mga nakahilerang pagkain sa bandang likuran kasama ang mga waiter at wai
