Kabanata 56
K I M
Gusto ko sanang mag-isang puntahan si Kristine pero hindi pumayag si Yakira. Nagpumilit siyang ihatid ako doon kaya wala na akong nagawa pa. Hindi ko alam kung bakit sobra akong kinakabahan habang nasa byahe pa lang kami ni Yakira. Sobrang lakas ng kabog ng dibdib ko at para akong hinihingal. Hindi ko maintindiha ang sarili ko.
Ito ang gusto ko pero parang hindi ko yata kaya. Hindi ko yata kayang haraping muli ang babaeng totoong nagmamay-ari sa puso ng mahal ko. Hindi naman ako duwag pero hindi ko alam kung bakit ako naduduwag ng ganito ngayon. Ang hirap. Sa totoo lang, hindi ko na din alam kung saan pa ako patungo sa desisyon kong ito. Kung may patutunguhan pa nga ito. Gusto ko na lang kalimutan lahat ng pangamba ko at magpakasal kay Ethan, pero alam ko namang hindi
