Kabanata 55
K I M
"Ethan, bakit si Kim pa?" may halong galit na tanong ni Louise kay Ethan.
Sabay kaming napabaling sa kinatatayuan ng kaibigan ko. Bakas ang pagkadismaya sa mukha nito. Nakahalukipkip siya at may malamig na titig kay Ethan. Narinig ko ang malakas na buntong hininga ni Yakira, ngunit imbes na magsalita ito ay pinili na lamang niyang maupo sa couch. Sumunod sa kanya si Alianna na nanatiling tikom ang bibig.
"What do you mean?"
"Ang dami-daming babae d'yan, bakit ang kaibigan pa namin? Ano 'to? Gumaganti ka ba? Bakit kailangan mong isama sa mga babae mo si Kim? Para ano? Para patunayan na lahat ng babae kaya mong angkinin? Kahit ang babaeng sagad sa buto ang pagkamuhi sa'yo." Huminto siya sandali. "O baka naman na challenge ka lang sa kaibigan namin? Ano, Ethan? Alin doo
