Kabanata 51
K I M
Naging mabilis ang lahat pagkatapos kong pumayag sa alok na kasal ni Ethan. Noong hiningi niya ang kamay ko sa mga magulang ko ay agad pumayag ang mga ito. Inasahan ko na ang agaran nilang pagpayag dahil hindi naman na ako bata. Matanda na ako para kumontra pa sila. Masayang-masaya pa nga sila na sa wakas ay ikakasal na din ako, lalo pa noong sinabi kong buntis ako. Matagal na kasi talaga silang nanghihingi ng apo mula sa akin. Ilang beses na nila akong kinantyawan na mag-asawa na, kaya ngayon sobrang saya nila dahil sa wakas tinupad ko na din ang kahilingan nila. Magkakaanak na ako at magkakaroon ng sariling pamilya.
Hindi nga lang ako lubusang masaya. May isang parte sa akin na hindi magawang magdiwang, kahit pa ang pakakasalan ko ay ang taong matagal ko ng gusto. Ma
