Kabanata 53
K I M
"Bakit nga ba hindi ka nagpaparamdam? Anong nangyari sa'yo?" Nakataas ang kilay na tanong ni Yakira, nang dumapo ang tingin niya sa kung saan.
Namilog ang mga mata ko nang makita kung saan lumapag ang kanyang tingin. Kumunot ang kanyang noo at agad na nilapitan ang nakitang kakaiba. Humugot ako ng malalim na hininga bago ko siya sinundan.
Huminto siya sa tapat ng portrait ni Ethan na iginuhit ko. Kinagat ko ang labi ko. Naisip kong gumawa ng palusot pero sumuko din ako sa huli. Malalaman din naman nila ang totoo, bakit pa ako magsisinungaling ngayon, di ba? 'Tsaka ayoko na din naman talagang magsinungaling pa sa kanila. Ito na siguro ang tamang panahon para sabihin ko sa kanila ang totoo. Wala na din naman akong choice kundi ang magtapat sa kanila.
Alam kong aabot d
