NAUNANG bumaba ng stage si Missy dahil meron pang isang solo si Flint dahil na rin sa request ng audience. Parang bubuway ang tuhod niya sa labis na tensyon na nararamdaman. Hindi niya kayang pigilan ang oras. Ilang sandali na lang ay mapipipilitan siyang lumabas.
At kakailanganin niyang harapin ang bagay na matagal na rin niyang iniiwasan.
Niyakap niya ang mumurahing bag na para bang may makukuha siyang lakas doon. Hihintayin pa niya si Flint. Hindi naman siya basta na lang aalis doon habang nasa entablado pa ito.
Napatitig siya sa baso ng tubig. Ilang beses na ba siyang uminom? Kahit na nga ba tubig lang iyon. Siguro pantay na ang bilang kung ilang baso ang nainom niya saka kung ilang beses din siyang nagbuntong-hininga. Pero alam niya kahit magpakalunod siya ay hindi rin ganoon na l
