“KALKULA ko, kulang one hundred thousand ang halaga ng mga iyan pag pinagsama,” sabi ni Jenny habang nakatingin sa cellphone at alahas na ipinatong niya sa mesa.
Tapos na siyang umiyak. Sa pahapyaw na kuwento ay ipinagtapat niya sa kaibigan ang namagitan sa kanila ni Ico pati ang mamahaling regalo nito. Dala niya ang alahas sapagkat natatakot din siyang iwan na lang iyon basta sa isla.
“Hindi ko alam ngayon kung ano ang gagawin ko diyan,” nalilitong sabi niya.
“Ano ba naman kasi ang pag-iisipan mo pa sa mga iyan? Eh, regalo sa iyo iyan.”
“Pero kung masama pala ang iniisip niya sa akin. Dapat ay isoli ko iyan.”
“Mababago ba ng pagsosoli mo iyong iniisip niya tungkol sa iyo? Hep!” sabi nito agad na itinaas ang palad malapit sa mukha niya. “Huwag ka nang iiyak. Quota ka na kanina pa! Mak
