TANK top at short shorts ang suot ni Missy bilang pampaligo. Ibinalabal niya ang malaking tuwalya nang lumabas siya ng silid. Napasubo sila ni Ico dahil sa pagpaplastikan nila. Pero puwede namang hindi sila mag-swimming, saloob-loob niya.
Nakaabang na sa kanya si Ico. At ang hudyo, naka-swimming trunks! Balewalang nakaparada doon na halos hubad. Ang swimming trunks na suot nito ay talaga namang humahakab din sa bahaging tinatakpan niyon. Kungsabagay, sa isang album na nabuklat niya sa library ay nakita na niya itong ganoon din ang suot nito. At hindi nakakapagtaka dahil album iyon ng mga swimming competition nito. At nakita din niyang marami itong medalya sa larangang iyon.
And he was sexy, too. Ilang beses ba niyang sasabihin sa isip iyon? Marami itong patataubin na artista
