Lamig
Pagtapos niyang magpakilala ay agad naman siyang uupo.
Napatingin siya sa gawi ko at nanlaki ang mata at lumawak ang ngiti. Kumaway pa ito sa akin. Tipid lamang akong nagbalik ng ngiti sakaniya.
Marahas ang pagkalabit sakin ni Atarah.
"Kilala mo?" taas kilay nito sa akin.
"Nakasabay ko siya sa CR nung enrollment." walang gana kong sabi.
Lunch time ay magkakasama kaming muli nila Aki. Kahit hindi ako gutom ay wala akong nagawa kundi umorder dahil nagagalit si James. Masama daw ang ginagawa kong madalas na pagpapaliban ng pagkain.
Nakapila na kami at namimili ng pagkain.
"Anong gusto mo?" tanong ni James sa tabi ko.
"Pork chop na lang, saka kanin." naglahad ako ng 100 pesos sakaniya pero sinimangutan niya lamang ako.
"Ano pa? Dessert? Ice Cream?"
