KABANATA 49
TINA
Kinabukasan nakatanggap ng tawag si Blake galing kay George. Bukas na raw ang balik nito from Davao. Sumasama raw kasi ang lagay ng dad niya kaya kailangan nang ibalik dito sa Manila. Nang sabihin sa 'kin ni Blake ‘yon, halo-halo ‘yung naramdaman ko. Awa, para kay George at sa Dad niya, kasi alam kong hindi biro ‘yung pinagdadaanan nila. Masamang balita na nga ‘yung dala nila pag-uwi rito dahil nga sa lagay ng dad niya, tapos masamang balita pa ‘yung dadatnan nila sa pagbabalik nila, dahil naman sa pag-urong ni Blake sa kasal. Takot, kasi baka hindi nila matanggap ‘yung pag-urong sa kasal ni Blake. Baka hindi nila matanggap ‘yung relasyon namin. Baka hindi sila pumayag. Sa kabila ng mga ‘yon, may pag-asa pa rin dito sa puso ko na maaayos din lahat. Wala naman siguron
