HALIYAH ISABELLE’S POV
Halos mahilo ako sa dami ng tao sa mall.
“Ang daming tao…” bulong ko habang sinusundan sina Tessa na parang sanay na sanay sa ganitong lugar.
“Tingnan mo ‘to!” sigaw agad ni Lani habang tumatakbo papunta sa isang clothing store.
Napailing ako.
“Sandali lang--” pigil ko sa kanila, pero nahila na ako ni Mari papasok sa loob.
Kung kanina ay tahimik lang ako sa mansion, ngayon naman ay puro sigawan at tawanan ang nasa paligid ko.
“Uy! Ang ganda nito!” sabi ni Tessa habang hinahawak ang isang beige na dress.
“Bagay ‘yan sa’yo,” sagot ni Mari.
“Hindi! Mas bagay kay Haliyah ‘to!”
Halos sabay-sabay silang apat na bumaling sa akin at agad na nalaglag ang panga ko.
“Ha?” tanging naisambit ko, hindi ko masyadong naiintindihan kung ano ang nangyayari.
Hindi pa ako n
