Naikuyom ni Ivy ang kamao habang nakatitig siya sa isang pares na hikaw na nakapatong sa desk niya.
"Kanina ka pa nakatingin sa hikaw na iyan," untag sa kanya ni Emily. Napatitig din ito sa hikaw. "Tunay na diamond ba iyan?"
"Tunay, pero fake ang nagmamay-ari." Mariin niyang sagot.
"What do you mean? Saka napapansin ko best, two days ka nang ganyan. Tulala ka palagi. Ano ba ang nangyari?"
Dalawang araw na pala ang nakalilipas magmula nang magtungo si Charles sa Baguio, tumatawag naman ito sa kanya pero hindi niya sinasagot. Hindi pa siya handang kausapin ito.
Lalo na ngayon sa hikaw na natanggap niya mula sa restaurant kung saan sila dapat mag-dinner. Bigla na lang siyang napaiyak nang maalala ang ungol na narinig niya mula sa restaurant na iyon, sa VIP room 69.
"My God, Ivy! What
