Tumatak sa utak ko yung sinabi ng kawal na taga-Azoedia tungkol kay Yuna. Posible kasing totoo ang sinasabi ng kawal at tunay ngang nasa panganib ang kaibigan namin. Kaya kaagad akong nagpatawag ng pulong sa mga miyembro ng Alyansa pagkabalik namin ni Coren ng Arkhanta galing sa Emeron. Tungkol kay Yuna ang pinag-usapan namin.
"Kung taga-Azoedia ang kawal na yun, malaki ang posibilidad na nandoon sa Azoedia si Yuna," komento ni Divan nang ibalita ko sa Alyansa ang nangyari kanina sa Tutubi. "Nakakapagtaka lang na isang taga-Azoedia pa ang gagamitin ni Yuna para humingi ng tulong sa atin..."
"Sang-ayon ako sa'yo Divan," sagot ni Gurong Benhur. "Hindi kaya bihag ng Emperador si Yuna? Kaya hindi niya masabi ang lugar kung nasaan siya...?"
"Kaya gumamit siya ng isang kawal na taga-Azoedia..
