xxxxx
Wala akong magawa. Gusto kong tulungan si Yohan, ngunit alam ko ring hindi ko maaaring kalabanin ang mga Centurion sa kahit anong paraan dahil sila ngayon ay mga kauri ko na. Kaya kahit mabigat sa loob ko ay tumakas na ako mula sa labanan at hinanap ko ang hagdanan pababa kung saan kami galing.
Ngunit nasa unang baitang pa lamang ako ng hagdan pababa ay may napansin na ako sa palapag na bababaan ko. Puno na ito ngayon ng kulay pulang kumukulong tubig--- na sa pagkakatanda ko ay kagagawan ng kakayahan ni Yohan. Pataas nang pataas ang tubig at hindi malayong umabot ito sa taas kung nasaan sila Yohan, at agad akong nag-alala para sa kaligtasan niya.
Hindi pwedeng umabot kay Yohan ang tubig na ito! Ayoko siyang mawala!
Ang bilis ng t***k ng puso ko nang iniisip ko yun kaya hindi ko m
