"Totoo ba ang...ang sinasabi mo?" Hindi makapaniwalang tanong sa'kin ni Aravella pagkatapos kong sabihin yun.
Tumango ako. "Ikaw si Aravella," sabi ko pa. "Kahit iba na ang itsura mo ngayon, at kahit hindi mo na ako maalala."
Tila nalilito pa siya nang husto. "K-Kung ang pangalan ko nga ay Aravella, ano naman ang koneksyon ko sa'yo? Sino ka ba, Yohan?"
Napangiti ako. "Sino ako? Sino ako sa buhay mo?"
"Oo. Ganun na nga."
"Ikaw nga talaga si Aravella. Hanggang ngayon ay prangka ka pa rin," komento ko. "Pero sige, magpapakilala na rin ako. Ako si Yohan Caleb, isang Alkemista. Dating hari ng Arkhanta, at anak nang mayamang negosyanteng si Taragis Caleb. Noong una ako ay ginawa mong alipin na hindi batid, pero nung kalaunan ay nagustuhan mo rin ako. Ako ang iyong kasintahan, Aravella."
Na
