Kailangan kong makalayo. Dahil hindi maaaring maialay si Cerberus sa akin. Sa amin ni Aldion. Kailangan kong makinig sa babala ni Alexar.
Ngunit sadyang may angking katalinuhan si Aldion, alam niya yatang nanaiisin kong makatakas, kaya pinakilos niya si Cerberus upang hindi ako makagalaw. Umalulong ito nang malakas, at agad yumanig ang lupa at buhangin na inaapakan ko. Binalot ako ng buhangin na mistulang buhay dahil sumikip ito na tila hinahawakan ako. Hindi na ako makagalaw.
"Paumanhin Yohan kung hindi mo nagugustuhan itong gagawin ko. Kailangan ko ang kapangyarihan at lakas ng isang Sandata!"
Naiinis ako siyempre. "Hoy Aldion na lasenggo, 'wag mo akong gamitin para sa pansarili mong mga hangarin! Hindi ako papayag na maialay 'yang aso na yan sa akin!"
"Pasensiya na Yohan ngunit wala
