Bumalik sa kinalalagyan ko si Prinsesa Lenora na kasama na ang aming ibang kasapi sa aming pangkat. Ngunit may kakaiba, dumating silang buhat-buhat si Santelma, na tila duguan.
"Anong nangyari sa kanya?" Tanong ko. Wala ring ulirat ang nakakatandang kapatid ni Divan, kaya nag-aalala ako.
"Si Aldion," sagot sa'kin ni Jin na namumutla pa. "Kagagawan ito ni Aldion."
"Bakit ano ba ang nangyari?"
"Nagkita ang dalawa kanina," sagot pa ni Jin. "At hindi napigilan ni Santelma ang sarili niya. Nilusob niya ang taksil na Mandirigma. Ngunit nagapi siya agad ni Aldion."
Nagulat ako doon. Habang sinusubukang lunasan ng aking mga kasamahan ang mga sugat ni Santelma, napapaisip naman ako. Lubhang malakas sa aking paningin si Santelma. Sa katunayan, isa siya sa mga nilalang na walang dudang kayang ma
