Natuwa ako agad nang makita ko ang pagsulpot ng kweba. "Diyan ba tayo papasok?"
Tumango si Jin. "Panigurado ito ang daan patungo sa Paligsahan." Sumang-ayon kami agad kay Jin. Siguro naman hindi susulpot kung walang silbi ang kwebang ito. At isa pa, mukhang nasa tuktok ng Bundok na ito ang pugad ng mga halimaw, at ayokong sumugod doon.
"Pumasok na tayong lahat," anunsiyo naman ni Coren. "Malamang lumabas ang kwebang ito dahil pito na nga tayo ngayon, kabilang ka na Prinsesa Lenora. Tayo na bago pa dumami ang mga halimaw na yan!"
"Ngunit paano kung mas maraming halimaw ang nasa loob ng kwebang yan?" Tanong naman ni Santelma.
"Hindi, malakas ang kutob kong ito na nga ang daan patungo sa Paligsahan. Tara na!"
Pumasok na nga kami sa loob ng kweba. At ng lahat kami ay nakapasok na, biglang
