Sam’s POV
Hindi ako maaring magkamali. Bago ako tuluyang mawalan ng malay noong gabing yun ay yun ang huli kong nakita at naalala. Imposible namang mangyari yun. Kahit nilasing nila ako noong gabing yun ay malinaw sa akin ang tattoo na yun. Malinaw sa akin ang itsura nito. Hindi kaya? Hindi kaya magkapareho sila ni Troy? Hindi kaya meron din nito si Troy? Hindi naman imposible yun dahil magpinsan silang dalawa. Naguguluhan ako. Pilit kong inaalala ang nangyari noong gabing yun.
Ang huli kong natatandaan. Nagpunta kami sa malaking bahay dahil birthday ng kaibigan ni Troy. Tapos pinilit akong uminom ng mga kaibigan niyang babae tapos hindi ko namalayan napadami na pala ako ng inom. Tapos, ang huli kong naalala ay nagpunta ako sa banyo. Muntik pa nga ako sumubsob noon eh pero mabuti na la
