Habang tinuturuan ni Maddi ay nagsi-datingan na ang iba pang mga dancers. Masama agad ang naging tingin sa amin ng iba, lalo na 'yung grupo na unang nagtaray sa amin.
Akala siguro nila ay umalis na kami nang tuluyan dito sa Hades.
Neknek nila!
"Ayan! Ipahid mo lang 'yan nang maigi gamit itong brush," nawala ang mata ko sa mga bagong dating nang magsalita si Didi.
"Iyon lang?"
Tumango siya, "Oo! Tapos na 'yan, maglagay ka nalang din ng lipstick na bagay sa make-up mo."
Sinunod ko ang utos niya at naglagay nga ng cherry bomb lipstick sa labi ko at lipgloss para magmukhang shinee.
"Mabilis ka naman pala matuto, be! Ang hirap mo pang pilitin," reklamo niya sa akin.
"Madali nga lang pala, pero sa part ng paglalagay ng liquid eyeliner, medyo mahirap."
"Ganiyan din ako noong una
