#29
Laking pagtataka ni Pauline ng bumukas ang pintuan. Kakalabas lang kasi ng nurse na siyang nagcheck sa kaniya ng oras na iyon, marahil may nakalimutan ata sa loob ng kaniyang kwarto o baka may sasabihin pa, pero nanlaki ang kaniyang mga mata ng makita ang hindi inaasahang babae na sumira ng lahat. Lahat ng kaniyang pangarap.
Dahan-dahang naglakad papasok sa loob ng kwarto si Abi, habang pinagmamasdan ang babaeng nakahiga sa may kama. Walang iba kundi si Pauline.
"Anong ginagawa mo dito?" may laman ang pagkakatanong niya ng minutong iyon. Hindi talaga sila okay. At hindi alam ni Pauline kung magiging okay ba silang dal'wa. Iba kasi ang galit ni Abi sa kaniya, at hindi maintindihan ito ni Pauline kung bakit gano'n nalang ang galit ng babae sa kaniya. Hindi naman niya kasalanan na siya
