-Enzo-
“Master, sa tingin ko po may ibang dahilan ang pag-alis nila Madam sa mansion mo noon hindi lang po nito sinasabi sa inyo?” Salita ni Ricky sa akin habang nasa loob kami ng aking sasakyan at pabalik ng hide out ko. Pagkatapos kong makipagkita sa mag-ina ko ay umalis din ako agad dahil sa hindi naman maganda ang nagiging pag-uusap namin ni Mercy. Ayaw pa rin nitong magpapigil at talagang nagmamatigas na ito ngayon sa akin, nanakot pa itong kung hindi ko sila hahayaan ng aking anak ay mas hindi ko makakasundo si Mircale dahil sa salamin ito ng aking ugali.
“Sa loob ng anim na taon wala tayong nalaman na kahit na ano sa mag-ina ni boss. Pero ngayon isang information ang lumabas at nakita ni boss ang kanyang mag-ina. Kahit pa sabihin ni Madam Mercy na wala siyang alam sa lahat ng ito
