Inilagay ni Sahara sa tatlong magkakatabing libingan ang mga bulaklak na dala-dala nila ni DJ. Tumingala siya sa makulimlim na kalangitan, huminga siya ng malalim at nilingon niya ang asawang nanatiling walang kibo. Nakatitig ito sa puntod ng Ate Selah niya.
“Ngayon siguro ay may ideya ka na kung bakit ko nagawang makipaglapit sa iyo,” sabi niya sa kalmadong tinig na kinalingon nito.
“Misis,” mahinang usal nito sa kanya.
“Walang kasing sakit ang naramdaman ko nang araw na iyon. Tatlong buhay ang kinuha sa akin, Daniel. Masisisi mo ba ako kung magalit ako sa mundo?” saad niya rito.
Umupo siya sa damuhan, sa mismong tapat ng puntod ng ate niya. Tumabi ang asawa sa kanya.
“Ilang araw ko pa lang sila naiililibing, nalaman ko naman na iilitin ng bangko ang bahay at lupa namin. Wala akong
