“Ito ang palaisdaan nila Sahara. Hindi ito nasama na ilitin ng bangko,” wika ni Tonyo kay DJ nang marating nila ang palaisdaan.
Maaga silang umalis para puntahan ang property na iyon ng mga Rodriguez. Tulog pa si Sahara nang sunduin siya ni Tonyo. Hindi pa sila nakakapag-usap ng asawa simula nang manggaling sila sa sementeryo. Hindi niya alam paano ito pakikiharapan. Sinubukan niyang tawagan si Kyle o si Juan Miguel pero naisip niyang huwag na lang. Lalo na at may pinagdadaanan ang nakakabatang kapatid na si Kyle sa asawa nitong si Carina.
Inabutan siya ni Tonyo ng maliit na balde na may lamang pagkain ng isda.
“Naibenta na ba ng bangko ang property nila Sahara?” maya-maya ay tanong niya kay Tonyo.
“Alam mo na pala ang tungkol doon?”
Tumango siya kay Tonyo.
Napabuntong-hininga it
