“Pwede na pala ako maging magsasaka,” natatawang sabi ni DJ kay Tonyo.
“Pwede na rin, pasado ka na brod,” nakangising sagot nito sa kanya.
“Malawak pala itong bukirin ninyo,” sabi niya.
Kasalukuyan silang nagpapahinga, kakatapos lang nila hakutin ang mga naisakong palay. Masakit ang braso at balikat niya, maging ang kanyang mga benti pero masaya siya. Bagong karanasan iyon sa kanya. Mas mahirap pala ang mag-ani ng palay kaysa sa mga gulay at tubo nila sa hacienda.
“Oo, kaya lang hindi pa ako tapos sa pagbabayad nito,” sagot ni Tonyo sa kanya.
“Binabayaran mo pa rin ito?” nagtatakang tanong niya.
“Naisanla namin ang kalahati nitong bukid noong, ah basta,” sagot nito sa kanya.
“Magkano ba ang pagkakasanla ninyo, tubusin na natin,” alok niya kay Tonyo.
“Naku! Huwag na brod, kayang-kay
