Chapter 51
Kinabukasan maaga pang nagising si Crismafel. Lumabas siya sa kaniyang silid na dala ang kaniyang maliit na maleta. Nagtungo siya sa kusina dahil alam niya na naroon si Aling Rosing.
“Lola,’’ tawag niya sa matanda habang nagluluto ito ng kanilang umagahan para mamaya.
Lumingon ang matanda na nagtataka nang makita siya na nakabihis ng damit pang-alis at dala-dala ang maleta.
“Oh, saan ka pupunta? Bakit nakabihis ka?’’ nagtataka na tanong ng matanda sa kaniya.
“Uuwi na po ako sa Lauerta. Maraming salamat po sa pagpatira ninyo sa akin dito,’’ nakangiti niyang sabi sa matanda at niyakap niya ito. Ayaw niya man sana umalis ngunit kailangan.
Hinagod-hagod naman ng matanda ang kaniyang likod. “Kahit anong oras mo gustong pumunta dito ay welcome ka, Apo. Pero akala ko ba dito ka m
