Malamig ang simoy ng hangin. Mabuti nalang at nag-jacket ako ngayon. BER-months kaya malamig na. Inangat ko ang cellphone ko para makasagap ako ng signal dito sa rooftop.
9AM na at inaantay ko ang tawag ni Dewlon. Kahapon lang nung nagkita kami ni Gabriel sa mall. Gusto ko namang tawagan si Dewlon pero alam kong tulog naman 'yun at kung hihintayin ko pa siya hanggang 9PM para gising na siya ay magagalit yun kasi ayaw niyang late akong matulog.
Ayoko naman siyang itext nang ganoon baka sabihin niyang kung anu-ano nanaman ang iniisip ko. Ewan ko pero napaparanoid ata ako, eh.
Wala naman dapat ipangamba kasi sinabi naman sakin ni Graisyl na ayaw niya nga kay Dewlon. Kahit hindi naman kami naging close may tiwala naman ako sa babaeng 'yun.
Buti nalang bumili na ako ng kape at mamon para ku
