NANG GABING iyon ay nasa bahay nila si Beatrice kasama ang dad niya. Ito lang ang kasama niya dahil nagbakasyon sa ibang bansa ang dalawa niyang kapatid. At ang mama niya ay may pinuntahang charity work sa Visayas kasama ang mga kaibigan nito. Noon pa wala ang mga ito kaya marahil ay walang kaalam-alam ang mga ito sa nangyayari.
Pinapunta siya ng ama niya ngayon doon dahil na rin sa request nito. Ayaw sana niyang makita ang ama dahil labis siyang namumuhi rito. Dahil sa tuwing naaalala niya ang lahat ng nangyari ay gusto niya itong sumbatan. Kaya nandoon siya ngayon dahil gusto niyang iparamdam dito kung gaano siya nasasaktan sa mga naging desisyon nito.
Nang mga sandaling iyon ay mag-isa siyang nakaupo sa gilid ng swimming pool at nakalublob ang mga paa niya sa tubig. Tahimik at malung
