Kinabukasan habang papasok sa trabaho at nagmamaneho ay kinailangan muna ni Froylan na itigil ang kanyang sasakyan sa gilid ng kalsada nang dahil sa nakita niyang may text siyang natanggap at mula pa ito sa kanyang sekretarya, kay Ira. Tahimik niyang binasa iyon habang ang isang palad niya ay nanatiling nakakapit pa rin sa manibela ng kanyang sasakyan.
Sir Froylan, pasensiya na po. Hindi pa rin po ako makakapasok ngayong araw dahil sa nawalan na po ako ng boses—
Hindi na iyon ginawang tapusin ni Froylan basahin at kaagad na niyang isinara ang inbox ng cellphone niya sa message nito. Hindi naman siya galit, naisip niya na hindi coincidence ang pagkakaroon nito ng sakit. Siguro ay panahon na ang nagsasabi sa kanya kung bakit nangyari iyon upang maghanap na ng ibang secretary. Mabilis siya
