Maaliwalas ang kalangitan ng umagang iyon na kagaya na lang ng emosyong nakalarawan sa pagmumukha ni Froylan. Magaan ang kanyang pakiramdam habang tinutulungan ang mga kasama nila sa bahay na ayusin ang mga gamit na dadalhin na ilagay sa loob ng kanilang gagamiting sasakyan. Kumikislap naman ang mga mata sa saya ng maybahay niyang si Ycel na kanina pa si Froylan pinagmamasdan. Humihikab pa at halatang inaantok pa ang si Yael na karga niya sa mga bisig. Bihis na bihis ito at hawak naman sa isa niyang kamay si Fabian. Hinihintay na matapos na ang kanilang padre de pamilya sa kanyang ginagawa.
“Hon, sigurado ka bang ayaw mong bumawi ng tulog ngayong araw?” makailang ulit ng tinanong iyon ni Ycel sa kanya noong nasa silid pa lang sila at naghahanda ng mga gamit na kanilang dadalhin. Ilang hak
