Kinagabihan ay hindi rin naman nagawang tiisin ni Ycel si Froylan na nagawa pa niyang iwan sa loob ng kanilang silid habang namimilipit sa matinding sakit ng kanyang braso. May pagpipigil pa ang kanyang ginawa kaya alam niyang umaarte na lang ito. Hindi naman niya iyon nilakasan. Pigil pa ang lakas na kanyang ginawa dahil alam niyang maaari itong mamaga kapag napasobra. At kahit anong sigaw nito sa ma-dramang paraan upang kunin ang kanyang atensyon ay hindi niya ito nilingon at tuloy-tuloy lang itong iniwan. Wala siyang panahon upang e-cater ang kanyang kaartehan. Natitiyak niyang panandalian lang naman ang magiging sakit noon. Hindi magtatagal ay magiging ayos na iyon na parang wala namang nangyari sa braso niya. Pagdating ng dinner ay parang walang nangyari sa kanilang mag-asawa kung mag
