Napaawang na ang bibig doon ni Froylan sa kanyang narinig. Ilang beses niyang sinulyapan si Ycel na mataman pa ‘ring nakikinig sa kanila. Hindi man ito nakatingin ay alam niyang ang tainga nito ay buong lakas na nakatutok sa usapan nila ng kanyang sekretarya. Sa puntong iyon ay nais niyang tawagan si Melody at sitahin ito. Hindi naman na nito kailangang sabihin pa iyon kay Ira, pero sa tabil ng dila nito ay talaga namang binanggit niya pa. Nagdudulot tuloy ito ng tensyon ngayon. Hindi niya rin alam kung ano ang ipapaliwanag dito dahil ni hindi pumasok sa kanyang isipan na malalaman ito ni Ira. Bukas niya pa plano itong kausapin ukol sa bagay na iyon. Umigting na ang kanyang panga. Hindi na mapigilan na magngitngit sa pagkakabuhol-buhol na ngayon ng sitwasyon nila. Sumasakit na ang kanyang
