PINAKIRAMDAMAN ni Angelique si Angge na mag-isa lang sa baby office. Wala nga itong kalaro doon. May sinat si Mint na anak ni Gwen kaya hindi natuloy ang dapat na pagsama nito sa bata. Si Della naman na anak ni Mari ay talagang hindi sinasama kapag ganoong weekdays dahil may pasok iyon sa school. May kani-kaniyang dahilan din sina Rica at Gaby kaya hindi naisama ang mga anak nito.
Si Onyok na lang ang pag-asa niya para di dapuan ng inip si Angge. Tinawagan niya ulit si Erica Mae para ipaalalang isama ang anak nito. Minsan ay sa bahay nila dinadala ni Erica Mae si Onyok. Maghapon doon ang bata kasama ang Yaya Candy nito habang sila naman ay nagtatrabaho. Gusto din ni Lolo Daddy si Onyok. Natutuwa ito kapag nandoon ang dalawang bata. Away-bati ang dalawa gaya ng ibang mga bata pero kapag
