Sa paglubog ng araw lumuluhang naglalakad ang mga iba’t ibang nilalang habang nakakadena ang mga kamay at paa ng mga ito, bukod dito, nababalot din ng galit ang kanilang mga pagod na mata dulot ng nangyari sa kanila. Isama mo pa rito na halos lahat sila ay may mga latay sa katawan bata man o matanda. Gustuhin man nilang mag-alsa pero hindi nila magawa lalo na’t lubhang napakalakas ng kalaban nila. Kung kaya’t wala silang magawa kung ‘di ang maging sunod-sunuran na lamang sa nilalang na nilamon na ng kasamaan.
“Mahal na diwata, anong gagawin natin ngayon?” tanong ni Bell, ang kanang kamay ni Flora.
“H’wag na kayong mag-alala. Nasisiguro ko na ililigtas niya tayong lahat sa kamay ng mapang-abusong si Criselda!” determinadong sagot naman ni Flora.
Kasabay naman nito ay ang muling
