Ikawalo na ng gabi ngunit hindi mapakali si Timothy sapagkat hindi pa rin bumabalik ang dalaga sa bahay nila. Ang mas ikinainis pa ng binata ay hindi dala ni Jiselle ang cellphone nito dahilan upang hindi malaman ni Timothy kung nasaang lupalop ang dalaga. Dahil dito, hindi maiwasan ni Timothy na hindi mag-alala sapagkat nangangamba siya na baka mapahamak na naman ang dalaga sa kamay ng mga taong nilamon na ng kasakiman. Kung kaya’t hindi mapakali si Timothy sa inuupuan niya sa kanilang hapagkainan na siyang dahilan upang mapatingin sa kaniya ang kaniyang mga magulang na napatigil pa sa pagkain ang mga ito. Habang si Keila naman ay tahimik lamang na kumakain sa hapagkainan nina Timothy na para bang pakiramdam ng dalaga ay hindi siya tanggap ng mga magulang ng binata.
“Timothy, bakit hi
