Isang linggo na ang nakalilipas ngunit hanggang ngayon ay sariwa pa rin sa alaala ni Jiselle ang masayang outing nilang magkakaibigan. Bukod dito, naging magkaibigan na rin sila ni Nestle na labis na ikinatuwa ni Jiselle sapagkat mayroon na rin siyang babaeng kaibigan. Isang malalim na buntong-hininga na lamang ang pinakawalan ng dalaga habang nakatingin sa labas ng bintana ng minamanehong sasakyan ni Timothy. Bukod sa simula na ulit ang klase nila para bang balisang-balisa ang dalaga sa hindi niya malamang dahilan. Gustuhin mang lumiban ni Jiselle sa klase nila pero hindi maaari sapagkat ngayon ipaliliwanag ng guro nila ang camping na magaganap bukas. Kung kaya’t kahit tinatamad ay pinilit ni Jiselle ang sarili niya na magising ng maaga huwag lamang siyang mahuli sa klase nila.
“Jisel
