Tatlong araw na ang nakalipas buhat ng makalabas ng ospital si Timothy ngunit hindi pa rin nagigising si Jiselle na siyang dahilan upang mag-alala nang labis ang binata. Isama mo pa rito na pakiramdam ni Timothy ay mas lumakas pa siya ngayon buhat ng pagalingin siya ni Jiselle. Samantalang, ang grupo naman ng mga lalaki na sumugod sa klasrum nila ay nabubulok na sa kulungan. Doon din nila nalaman na marami na rin palang kaso ang nagawa ang mga ito kung kaya’t hinatulan sila ng sampung taon na pagkakakulong sa bilanggguan. Kung kaya’t walang paglagyan ang tuwa na nadarama ni Timothy sapagkat hindi na rin ang mga ito makapanggugulo pa ng mga inosentng tao.
“Kumusta na ang lagay ni Jiselle?” nag-aalalang tanong ni Tungsten.
Isang malalim na buntong-hininga muna ang pinakawalan ni Tim
