Tinapos ko na iyong pinapagawa ni Doc Xavier sa akin at pinasa iyon sa kanyang opisina. Alas nuebe na rin ng matapos ako kaya nagmamadali ako para makauwi na. Hindi ko alam kung nakauwi na ba si Kel o kung sumama siya doon sa Vienna na iyon. Sapat na ang pagpapahiya niya sa akin kanina.
Napapapikit ako sa sobrang pagod. Maghapon din kasi akong tumitig doon sa mga papel. Siguro ay matutulog na lang ako pag-uwi dahil nalipasan na rin ako ng gutom. Bukas ay tutuparin ko ang pagpunta sa Palanca. Gusto kong makita iyong si Rese. Nakakamiss din siya. Ani Nanay ay hindi ito sumama sa kanila dahil may pinagkakaabalahan daw ito doon.
Pagkabukas ng elevator ay bumungad sa akin sina Vienna at Kel. Nag-iwas ako at nagpretend na hindi ko sila nakita. Naglakad ako ng diretso papunta sa pa
