"Karen, balitang-balita sa buong hacienda ang tungkol sayo at sa mga anak mo. Totoo ba ni Senyorito Simon ang Tatay nina Santino at Seb?" usisa ng isa sa mga kababaihang kasama ko habang namimitas kami ng mga bunga kape na pagmamay-ari na ni Senyorito Simon.
Narito kami sa taniman ng mga kape kung saan hindi ko mabilang ang mga puno na hitik na hitik sa bunga ang mga sanga na aming pinipitasan.
Ngiti na lamang ang sinagot ko sa kanila. Ayoko ng magsalita ukol sa bagay na 'yon. Hindi ko gustong pag-usapan pa ang mga bagay na iniwan ko na sa nakaraan. Dahil maari nila akong tanungin sa kung ano ang nangyari at bakit umabot sa hiwalayan ang relasyon namin ni Senyorito Simon. Kahit hindi maganda ang pagsasama namin ay hindi ko magagawang dumihan ang kanyang tinitingala na pagkatao dito sa ha
