"Selos ka 'no?" tukso ni Myra kay Ken. Nasa club ang lalaki at umiinom ng alak. Hindi nagpa table si Myra sa iba para saluhan ang binata sa paglalasing nito. Hindi man nito aminin ay halata naman na nagseselos ito at naiinsecure sa mestisong amo ni Dani. Bukod sa hitsura at pangangatawan wala talagang panama si Ken. Idagdag pa ang pagiging mayaman nito kaya naman natural lang na makaramdam ng pagkabahala at inggit ang isang gaya ni Ken.
"Bakit naman ako magseselos? Matinong babae si Dani at hindi iyon papatol sa lalaking iyon! Itaga mo sa bato, Myra... hindi si Dani ang tipo ng babae na magloloko," mataas ang bilib sa sarili na wika nito.
"Okey, sabi mo e! Tagay pa?"
"Sige, bigyan mo pa ako ng alak. Gusto kong magpakalunod ngayon!" sagot nito.
Nangingiti na lang si Myra habang nakating
