Napagpasyahan ni Kade na ipalipat sa private hospital si Leleng para masiguro na matutukan ito ng maayos. Mayroon siyang kaibigang doktor at dito niya ipinagkatiwala ang buhay ng matanda. Bago iyon ay kinausap niya muna si Mang Niko para pormal na hingin ang permiso nito na kaagad din naman niyang nakuha. Nangako siya sa mga ito na hindi niya pababayaan si Leleng basta magtiwala lamang sa kanya.
"Naniniwala po akong mas makakabuti kay Leleng kung maililipat siya sa mas maayos na ospital, kaya payag ako..." ani Mang Niko.
"Maraming salamat po sa pagpayag, Mang Niko." Aniya.
Dinalaw niya ang mga ito ng lingid sa kaalaman ni Dani. Magtatatlong araw na kasi ngunit hindi pa rin bumubuti ang lagay ng matanda. Walang improvement.
"Ako nga ang dapat na magpasalamat sa'yo, Daniel. Hulog ka ng l
