Nagtatalo ang isip ni Kade kung sasabihin sa dalaga ang totoo o itatago niya pa rin ang lagay ng ina nito. Tiyak niyang masasaktan ang dalaga kung saka-sakali. Baka isumpa pa siya nito kapag nagkataon. Simula nang maospital ang matanda ay palagi na siyang balisa, para siyang may pasan na time bomb na sa anumang oras ay sasabog sa kanya. Ang mga pagbabagong iyon sa kanya ay hindi nakaligtas sa mapanuring mga mata ni Lucinda. Nang magkaroon ito ng pagkakataon ay nagawa nitong kausapin ang binata tungkol sa mga bagay na gumugulo rito.
"May problema ka ba, sir?" ani Lucinda. Nasa may dalampasigan ang binata at tahimik lang na nanunuod sa bawat hampas ng alon. Tahimik ito at tila malalim ang iniisip.
"May iniisip lang po ako, Nana..." sagot niya.
"Problema ba?"
"Nana, may tanong ako..."
"S
